O Celta B estreouse con goleada nunha pretempada cunha decena de partidos de preparación. O filial derrotou ao Rápidos de Bouzas por cero goles a tres no Baltasar Pujales con tantos de Ikechi, Éder e Marcos. O seu próximo amigable é este domingo ante o C.D. Ourense en Santa Cruz de Arrabaldo, no campo do Seixo, ás 12.00 horas.

O Real Club Celta está a realizar o máximo esforzo para satisfacer á súa masa social e á súa afección, tanto coa confección dun equipo competitivo e ilusionante coma coas iniciativas da campaña de aboados. O club premia a fidelidade e compromiso dos seus socios coa conxelación, por cuarto ano consecutivo, dos prezos. Entre as novidades, un 25 por cento de desconto a aquel aboado que achegue unha nova alta e novas opcións 'on line'.